mrCastelao: a miña proposta para a Amorodo Jam 24
Rematou a Amorodo Jam 24, da que os falara anteriormente. Foi ata o día 20 de maio, e facíase polo día das Letras Galegas. Presento agora a miña participación: mrCastelao.
mrCastelao é un xogo con sabor retro. Inspirado nas antigas consolas de mrGame and Watch (que as coñezo pero non toquei unha na miña vida...), recréase un dos xogos máis coñecidos que ten. Para esta ocasión fíxose cunha sabor moi galega, xa que quería participar na Amorodo Jam 24.
mrCastelao recolle os amorodos a ritmo do himno galego. O xogo só precisa dous botóns para xogar e ademáis ten dous modos de xogo, para desbloquear o modo difícil precisas completar a partida unha vez!
https://maestrapaladin.itch.io/mrcastelao Páxina de Itch.io do proxecto, con enlaces para descarga o xogo para Windows e para Linux.
Créditos: O xogo inspírase nas consolas de mrGame and Watch. A caricatura interior foi debuxada polo señor Castelao. As músicas foron modificadas e as orixinais encóntranse en folkotecagalega.gal baixo licencia GNU Library General Public License, version 2.0. Os sons son de David Dumais e teño a licencia para o seu uso.